Til að reyna að koma til móts við mörg þúsund Berlínarbúa, sem eru öskureiðir yfir hækkandi húsaleigu í borginni, hafa borgaryfirvöld nú samið um kaup á 6.000 íbúðum í borginni fyrir 920 milljónir evra. Íbúðirnar eru keyptar af fasteignafyrirtækinu ADO Properties SA.
Bloomberg skýrir frá þessu. Fram kemur að um stærstu viðskipti þessarar tegundar í sögu borgarinnar sé að ræða. viðskiptin eiga meðal annars að tryggja að borgarbúar geti leigt íbúðir á verði sem þeir ráða við. Borgarstjórn ætlar að frysta leiguupphæðina.
Með því að tryggja stöðugt leiguverð í borginni og veita leigjendum meira öryggi. Borgin ætlar að halda áfram að byggja íbúðir og tryggja lagalegt umhverfi frystingar á leiguverði.
Fyrr á árinu keyptu borgaryfirvöld 670 íbúðir af einkaaðila.
Hækkandi leiguverð hefur reynst mörgum borgarbúum erfitt en í sumum hverfum hefur leiguverðið tvöfaldaast á undanförnum áratug.