Maxwell og Finnegan búa í New York. Þeir eru tveggja ára og bestu vinir. Nýlega bar svo við að þeir höfðu ekki hist í nokkra daga en þegar þeir hittust aftur þá urðu svo sannarlega fagnaðarfundir.

Á meðfylgjandi myndbandi sést vel hversu glaðir þeir eru þegar þeir hittast loks á nýjan leik og hlaupa í átt að hvoru öðrum til að fallast í faðma.

Myndbandið hefur farið mikla sigurför um netheima að undanförnu.

Michael Cisnero, faðir Maxwell, sagði í samtali við ABC að drengirnir séu saman í tónlist og hafi kynnst þar. Þeir hafa aðeins þekkst í eitt ár en séu algjörlega óaðskiljanlegir.