Er stóri skjálftinn yfirvofandi? Þetta er spurning sem margir íbúar í Kaliforníu í Bandaríkjunum spyrja sig þessa dagana. Það er vel kunnugt að San Andreas flekamótin eru í ríkinu og að jarðskálftar eru nokkuð tíðir þar. En að undanförnu hafa þeir verið óvenjulega tíðir. Að undanförnu hefur mikill fjöldi skjálfta orðið rúmlega 60 kílómetrum austan við Los Angeles.

Þetta hefur orðið til þess að jarðskjálftamælum hefur verið fjölgað á svæðinu til að reyna að spá fyrir um stóra skjálfta. LA Times skýrir frá þessu. Fram kemur að vísindamenn séu sammála um að stór skjálfti sé ekki yfirvofandi alveg á næstunni en allir litlu skjálftarnir, sérstaklega þeir sem verða nærri San Andreas flekamótunum, valda þó ákveðnum áhyggjum.

„Við vitum að stór jarðskjálfti mun ríða yfir svæðið. Við vitum bara ekki hvar og hvenær.“

Hefur LA Times eftir Andrea Llenos, jarðeðlisfræðingi, hjá bandarísku jarðfræðistofnuninni U.S. Geological Survey.

Margir sérfræðingar telja að samhengi geti verið á milli sívaxandi fjölda smáskjálfta og hættunnar á stórum skjálfta.

Fyrir þremur árum síðar voru vísindamenn við öllu búnir en þá urðu þrír skjálftar upp á 4 eða meira nærri San Andreas flekamótunum. Óttast var að skjálftarnir myndu hafa dómínóáhrif og valda stærri skjálfta en svo fór ekki.

Vel þekkt er að stór skjálfti reið yfir San Francisco 1906 en þá létust um 3.000 manns.