Netrisar á borð við Netflix, Amazon og Apple reka stór gagnaver sem sjá til þess að notendur þeirra fái leifturhraðan aðgang að því efni sem þeir vilja. En sá galli er á þessu að það þarf gríðarlega mikla orku til að þetta virki allt saman. Gagnaverin þurfa orku til að kæla netþjóna sína en það þarf einnig rafmagn til að flytja gögn (myndir og/eða hljóð) frá gagnaverunum í tölvur eða síma notenda.
Gagnaver heimsins nota samtals um 200 terawattstundir af rafmagni á ári en það er meira en öll rafmagnsnotkun Írana á einu ári. Ef gagnaverin kaupa rafmagn frá orkustöðvum, sem nota kol, olíu eða gas við framleiðslu sína, losnar koltvíildi út í andrúmsloftið. Þetta getur orðið ansi mikið magn en í dag er talið að 0,3 prósent af koltvíildislosun heimsins komi frá gagnaverum.