Nýlega voru endurminningar einkaflugmanns hans, Hans Baur, gefnar út á nýjan leik en þær voru fyrst gefnar út 1956 og voru flestum gleymdar. Það er Frontline Books sem gaf endurminningarnar út á ensku undir hetinu „I was Hitler‘s Pilot“ en á þýsku heita þær Ich flog Mächtige der Erde.
Í bókinni fæst innsýn í síðustu mínúturnar í lífi Hitlers. Daily Mail skýrir frá þessu.
Baur var flugmaður Hitlers frá byrjun fjórða áratugarins og var náinn vinur leiðtogans sem var meðal annars svaramaður í brúðkaupi Baur.
Baur lýsir kveðjustund sinni og Hitlers í smáatriðum í bókinni.
„Hitler kom til mín og tók um báðar hendur mínar: „Baur, ég vil gjarnan kveðja þig. Stundin er runnin upp. Herforingjar mínir hafa svikið mig, hermenn mínir vilja ekki berjast svo ég get ekki haldið áfram.“
Segir Baur og segist síðan hafa reynt að tala um fyrir Hitler.
„Ég reyndi að tala um fyrir honum og sagði honum að enn væru flugvélar á lausu og að ég gæti flogið með hann til Japan eða Argentínu eða til einhvers af arabísku höfðingjunum sem voru honum vinsamlegir vegna afstöðu hans til gyðinga.“
En Hitler vildi ekki heyra minnst á flótta.
„Stríðinu lýkur með falli Berlínar. Ég stend eða fell með Berlín.“
Sagði leiðtoginn og hóf síðan einræðu:
„Maður verður að safna í sig kjarki til að taka afleiðingunum og þess vegna bind ég nú enda á þetta. Ég veit að milljónir manna muni bölva mér á morgun, það eru örlögin. Rússarnir vita vel að ég er hér í þessu byrgi en ég er hræddur við að þeir noti gasvopn. Ég veit að það eru gassíur hér en er hægt að stóla á þær?“
Hann gaf Baur síðan verðmætt málverk í þakklætisskyni fyrir störf hans í gegnum tíðina. Því næst fór hann og svipti sig lífi.
Baur reyndi að flýja frá byrginu en á flóttanum var hann skotinn í annan fótinn og þurfti að taka hann af síðar. Hann var tekinn til fanga af Sovétmönnum og var í haldi þeirra næstu 11 árin.
