The Independent skýrir frá þessu. Niðurstöðurnar voru kynntar á miðvikudaginn á ráðstefnu í Bretlandi. Fram kom að minni reykingar eigi hér stóran hlut að máli.
„Karlar njóta sérstaklega góðs af minni reykingum. Þrátt fyrir að margir séu kannski hættir að reykja vegna hættunnar á að þeir fái krabbamein og hjartasjúkdóma þá minnkar það einnig líkurnar á elliglöpum.“
Er haft eftir Albert Hofman hjá farsóttafræðadeild Harvard háskóla.
Carol Routledge, forstjóri bresku alsheimerssamtakanna, sagði að það hjálpi fólki að halda góðri andlegri virkni ef það hreyfir sig reglulega, reynir á heilann og drekkur ekki of mikið áfengi. Auk þess sé fjölbreytt mataræði einnig mikilvægur þáttur til að viðhalda andlegri getur eftir því sem aldurinn færist yfir.
Albert Hofman benti á að það sé rétt að hafa í huga að hætta sé á að þessi jákvæða þróun snúist við í takti við að sífellt fleiri glíma við offitu og sykursýki.
