Tuttugu og fjögurra ára karlmaður á yfir höfði sér ákæru eftir umferðarslys milli Holstebro og Herning í Danmörku í gærmorgun. Ökumaðurinn er grunaður um ölvun við akstur en í slysinu létust 41 árs kona og sjö ára stúlka. Níu ára piltur sem einnig var í bifreiðinni slasaðist mikið.

Frá þessu er greint á vef BT í Danmörku.

Slysið varð um klukkan 10.30 í gærmorgun og var ökumaðurinn sem grunaður er um ölvun einn í bílnum. Í bíl konunnar voru þrjú börn en eitt þeirra, sjö ára stúlka, slasaðist ekki alvarlega – ekki frekar en ökumaðurinn sem grunaður er um ölvunarakstur.