Fyrir 14.400 árum bakaði einhver flatbrauð þar sem nú er norðausturhluti Jórdanínu. Þetta var 4.000 árum áður en menn hófu að stunda landbúnað. En þetta flatbrauð hefur ekki allt farið ofan í maga svangra því nú hafa fornleifafræðingar fundið leifar af því en þær fundust í ævafornum bústað veiðimanna og safnara sem hefur hlotið heitið Shubayqa1.

Það voru danskir og breskir fornleifafræðingar sem fundu flatbrauðið góða við uppgröft í bústaðnum. Þetta eru elstu brauðleifar sem fundist hafa og það vekur mikla athygli að það var bakað að minnsta kosti 4.000 árum áður en menn fóru að stunda landbúnað. Það liggur því ljóst fyrir að brauð var bakað löngu áður en landbúnaður hófst.

Næsta skref fornleifafræðinganna er að rannsaka hvort brauðbaksturinn hafi haft áhrif á kornrækt sem hófst samhliða landbúnaði.