Þetta kemur fram í nýrri rannsókn sem hefur verið birt í European Journal on Criminal Policy and Research. Vísindamenn rannsökuðu beitingu skotvopna á árunum 1996 til 2015. Niðurstöður þeirra eru að skotvopnanotkun hefur aukist á öllu þessu tímabili en mest á undanförnum áratug.
Á síðasta ári voru 43 karlar skotnir til bana í Svíþjóð en 2006 voru þeir 6.
Ef ástandið er borið saman við Bretland er sex sinnum hættulegra að vera ungur karlmaður í Svíþjóð og tíu sinnum hættulegra en að vera ungur karlmaður í Þýskalandi. Staðan í Svíþjóð var borin saman við stöðuna í 12 öðrum Evrópuríkjum.
En þessi munur á bara við menn á aldrinum 15 til 29 ára. Frá þrítugsaldri er ástandið í Svíþjóð ekki verra en í hinum ríkjunum og raunar eru fleiri karlar eldri en 30 ára skotnir til bana í sex af ríkjunum tólf en í Svíþjóð.
Samkvæmt nýjum tölum sem Sænska ríkisútvarpið fékk hjá sænsku lögreglunni þá er kannski bjartara framunda í þessum málum. Á síðasta ári skráði lögreglan 100 mál frá janúar til apríl þar sem skotvopnum var beitt. Á þessu ári voru málin 59. Á síðasta ári voru 16 skotnir til bana á þessu sama tímabili en í ár voru þeir 8. Fjöldi særðra var 27 á þessu ári miðað við 35 á síðasta ári.