Stundum er mjólkin í lagi eftir síðasta söludag. Stöku sinnum súrnar hún fyrir aldur fram. Best fyrirdagsetningin er því kannski ekki alltaf nákvæm vísindi.
Hér eru hins vegar átta gullnar reglur sem þú ættir að vita varðandi matinn sem þú lætur ofan í þig.
Oft er sagt að þú eigir aldrei að snerta á nokkru sem komið er fram yfir síðasta söludag. Það er ágætis regla til að forðast matareitrun eða óbragð í munni. Það er þó ágætt að kunna að nota skynfærin og skynsemina – ef maturinn hefur ekki útlitið með sér og lyktar ekki eins og hann á að gera skaltu henda honum.
Laukur endist alveg ótrúlega lengi ef hann er heill, jafnvel svo mánuðum skiptir. Það er enginn síðasti söludagur á honum – taktu bara hýðið utan af.
Þú þarft ekki að stinga matnum í frysti strax og þú kaupir hann. Ef hann er hins vegar óétinn stuttu fyrir síðasta söludag er betra að skella honum í frystinn en að henda honum í ruslið.
Þú getur lengt líftíma epla um margar vikur með því að geyma þau í ísskápnum.
Súrar gúrkur, niðursuðuvörur, salt og sykur eru ódauðlegar vörur svo það má alveg hunsa síðasta söludag – fullyrða þeir á vef Guardian. Gæði þessa varnings rýrnar þó með tímanum.
Súrdeigsbrauð getur enst vikum saman. Te, harðir ostar og rótargrænmeti sömuleiðis. Matarsérfræðingurinn Joanna Blythman ráðleggur fólki einfaldlega að skera burtu skemmdirnar geri þær vart við sig – og ítrekar að matvöruverslanir þrífast á því að selja vörur sem endast skammt.
Brjóttu, þefaðu, eldaðu. Blythman segir eggin endast langt fram yfir síðasta söludag – og reyndar hafi hún aðeins orðið vör við eitt fúlegg í lífi sínu.
Reglur varðandi matvæli eru slíkar að framleiðendur verða að gefa upp hversu lengi má geyma matinn eftir opnun. Þetta snýst frekar um almennt öryggi en gæði matarins. Matarsérfræðingar segja til dæmis margir að jógúrt megi geyma vikum saman eftir opnum – þó umbúðirnar ráðleggi þér að klára það á fimm dögum.
…segir yfirleitt allt sem segja þarf. Nefið er kraftmikið tól og þessar reglur sem matvælaframleiðendum hafa verið settar hafa jafnframt dregið úr getu fólk til að dæma sjálft. Gömlu góðu aðferðirnar virka enn.
