Það er fátt betra en nýbökuð vaffla með rjóma og sultu, eða smjöri og osti eins og margir kjósa að borða þær. Hér er skotheld uppskrift að vöfflum sem gera þennan Bóndadag aðeins betri.
Hráefni:
2 1/4 bollar hveiti
1 tsk. lyftiduft
1/2 tsk. matarsódi
smá sjávarsalt
2 egg
80 g brætt smjör
1/2 bolli grísk jógúrt
1 1/4 bolli mjólk
1-2 msk. hlynsíróp
Aðferð:
Byrjið á því að stinga vöfflujárninu í samband og hita það. Bræðið smjörið í örbylgjuofni og leyfið því að kólna lítið eitt. Blandið öllum hráefnum vel saman í skál og þeytið þar til blandan er kekkjalaus. Skellið slatta á vöfflujárnið, eða um það bil 2 kúfuðum matskeiðum, og bakið vöfflurnar. Og munið að njóta þar til staflinn er búinn.
