fbpx
Laugardagur 02.desember 2023
Leiðari

Peningana eða lífið

Erla Hlynsdóttir
Föstudaginn 31. júlí 2020 13:38

Ekki missa af Helstu tíðindum dagsins í pósthólfið þitt

Lesa nánar

Leiðarinn birtist í helgarblaði DV í dag, 31. júlí.

Það er þung stemning í samfélaginu. Verslunarmannahelginni hefur verið aflýst. Eða svo til. En það er meira undir en ein ferðahelgi, jafnvel þó hún sé almennt stærsta ferðahelgi ársins.

Á blaðamannafundi ríkisstjórnarinnar og almannavarna í gær var tilkynnt um hertari aðgerðir vegna kórónaveirunnar; fjöldatakmörk lækkuð niður í 100 manns, tveggja metra reglan aftur gerð að skyldu og enginn fær að koma í almenningsssamgöngur nema með grímu.

Strax á þriðjudag lá í loftinu að hert yrði á aðgerðunum í kjölfar aukningar á tilfellum smits innanlands. Miðvikudagurinn leið síðan án þess að múkk heyrðist um framhaldið. Það var ekki fyrr en rétt fyrir hádegi á fimmtudegi sem tilkynnt var um breytingarnar, þegar fjöldi fólks var þegar búinn að pakka og skipuleggja verslunarmannahelgina í þaula.

Ég er ekki að kvarta út af mínum plönum. Ákvað fyrir viku að halda mig bara heima. Búin að auka sprittnotkunina. Verslunarmannahelgin er ekki stóra málið.

Forsetinn tók af skarið á undan ríkisstjórninni og aflýsti móttöku vegna innsetningar hans í embætti sem halda átti um helgina. „Þessi ágæta móttaka má alveg missa sín – hún skiptir engu máli í hinu stóra samhengi,“ sagði forsetinn. Þetta er líka alveg hárrétt. Rey Cup, Símamótið, N1-mótið og Orkumótið í Eyjum skipta engu máli í stóra samhenginu. Samt voru þessi mót haldin þegar við hefðum átt að halda að okkur höndum – bókstaflega – í kjölfar COVID-19. Opnun landsins skiptir engu máli í stóra samhenginu. Og nú erum við aftur á byrjunarreit.

Síðan síðasta bylgja reið yfir höfum við þó lært ýmislegt, eða komist að ýmsu. Fjöldi fólks sem fékk COVID-19 glímir við eftirköst sjúkdómsins jafnvel mánuðum síðar. Hópur vísindamanna frá University College London hafa sent frá sér skýrslu um tugi sjúklinga sem glímdu við truflanir á heilastarfsemi, heilablæðingar og taugaskaða í kjölfar þess að fá COVID-19. Fjöldi fólks hér á landi hefur farið í endurhæfingu á Reykjalundi, fólk sem þurfti ekki einu sinni að leggjast inn á sjúkrahús eftir að hafa fengið kórónavírusinn. En af hverju voru öll þessi mót haldin í skugga alheimsfaraldursins? Af hverju var landið opnað á ný fyrir ferðamönnum svo fljótt? Fyrir mér er svarið einfalt: Peningar. Hér hafa peningar verið teknir fram yfir heilbrigðissjónarmið. Peningar fram yfir lífið. Sem ætti auðvitað ekki að koma á óvart.

Nú vona ég bara að fólk virði í alvöru tveggja metra regluna, hætti að ryðjast fram fyrir fólk í biðröð bara af því það stóð tvo metra frá afgreiðslukassanum og bíði í eitt augnablik eftir að næsti maður í Bónus taki brauð úr hillunni áður en það klessir sér upp að honum til að taka brauðið við hliðina á.

„Peningana, ellegar ég slæ þig í rot,“ sungu Valgeir Guðjóns og Egill Ólafs um árið. Ætli þeim hafi dottið í hug að hægt væri að óska eftir hvoru tveggja?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 klukkutímum

„Vinnuumhverfið er óviðunandi. Álagið er gríðarlegt. Ofan á það getum við gert eitthvað annað við líf okkar og fengið betri laun“

„Vinnuumhverfið er óviðunandi. Álagið er gríðarlegt. Ofan á það getum við gert eitthvað annað við líf okkar og fengið betri laun“
433Sport
Fyrir 3 klukkutímum

Vildi fara heim á verstu tímum COVID: Hringdi í mömmu og pabba daglega – ,,Ég vildi ekki vera hér“

Vildi fara heim á verstu tímum COVID: Hringdi í mömmu og pabba daglega – ,,Ég vildi ekki vera hér“
433Sport
Fyrir 5 klukkutímum

Messi viðurkennir að hann hafi tekið skref niður á við

Messi viðurkennir að hann hafi tekið skref niður á við
433Sport
Fyrir 5 klukkutímum

Afrekinu náð í fyrsta sinn í 23 ár: Fagnaði á rándýran hátt – Kostaði 24 milljónir

Afrekinu náð í fyrsta sinn í 23 ár: Fagnaði á rándýran hátt – Kostaði 24 milljónir
433Sport
Fyrir 9 klukkutímum

Segir þessa ákvörðun í vikunni sýna að Ten Hag skorti sjálfstraust

Segir þessa ákvörðun í vikunni sýna að Ten Hag skorti sjálfstraust
Pressan
Fyrir 9 klukkutímum

Ríkasta 1% losar jafn mikið koltvíoxíð og fátækustu tveir þriðju hlutar jarðarbúa

Ríkasta 1% losar jafn mikið koltvíoxíð og fátækustu tveir þriðju hlutar jarðarbúa
Pressan
Fyrir 19 klukkutímum

Tommy sagðist vera hatrið holdi klætt – „Ég veit ekki hvað ást er“

Tommy sagðist vera hatrið holdi klætt – „Ég veit ekki hvað ást er“
Fókus
Fyrir 19 klukkutímum

Stórstjarnan á níræðisaldri olli fjaðrafoki með orðum um tvítuga elskhuga

Stórstjarnan á níræðisaldri olli fjaðrafoki með orðum um tvítuga elskhuga