fbpx
Þriðjudagur 16.ágúst 2022
Leiðari

„He has a terrible skin condition,“ sagði ég með þykkum íslenskum hreim. „Terrible!“

Tobba Marinósdóttir
Föstudaginn 12. júní 2020 20:29

Tobba Marinós - Mynd: Íris Ann

Ekki missa af Helstu tíðindum dagsins í pósthólfið þitt

Lesa nánar

Leiðari eftir Tobbu Marinós ritstjóra DV – Birtist 5 júní 2020

 

Góðlátlegt grín er vanmetin, ódýr afþreying að mínu mati. Að því sögðu er vinnustaðargrínarinn alltaf góð týpa.

Ég tók það einu sinni að mér, með misjöfnum árangri þó. Ég var um tíma með sjóð sem ég lagði inn á fasta upphæð í mánuði til að eiga alltaf smá pening ef grínið þarfnaðist fjárútláta. Eitt skiptið bókaði ég auglýsingapláss undir platsnyrtivöruauglýsingu sem ég lét hanna með mynd af samstarfsmanni mínum.

Auglýsingasölumanninum fannst hún svo fyndin að ég þurfti ekki að borga birtinguna. Peningarnir komu þó að góðum notum þegar ég þurfti að kaupa „fyrirgefðu“ kökuna eftir að samstarfsmanni mínum fannst grínið ekkert spes.

Árið á eftir fannst mér skopskyn mitt vera orðið mun fágaðra. Nú myndi þetta hitta í mark. Annar samstarfsmaður minn sem hafði leikið mig grátt var á leið í vinnuferð til Bandaríkjanna. Þá datt mér það snjallræði í hug að hringja á undan honum og lýsa fyrir hótelstarfsmanninum að þessi umræddi maður væri með hvimleiðan sjúkdóm sem fæli í sér að fjarlægja þyrfti öll handklæði, lök, rúmföt og sloppa sem í herberginu væru.

„He has a terrible skin condition,“ sagði ég með þykkum íslenskum hreim. „Terrible!“

Ég tjáði liðlega hótelstarfsmanninum að minn maður kæmi því með allt lín með sér.

„En hræðilegt,“ svaraði hótelstarfsmaðurinn og bætti svo við: „Vill hann kannski sérstaka aðstoð við að koma sér inn á herbergið?“

Það vildi ég endilega og bað um að dregið yrði fyrir alla glugga ef hann gæti ekki fengið gluggalaust herbergi. Ég hló alla leiðina heim úr vinnunni.

Þangað til ég fékk email.

Með mynd.

„Það var einhver misskilingur og það gleymdist að búa um mig. Fékk því uppfærslu á svítu. Takk! Kv. Frikki.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 5 klukkutímum

Vandræðalegt fyrir Oscar – Mættur út til að klára dæmið þegar Kínverjarnir sögðu nei

Vandræðalegt fyrir Oscar – Mættur út til að klára dæmið þegar Kínverjarnir sögðu nei
Matur
Fyrir 5 klukkutímum

Hraunflóðið sigraði brauðtertukeppni ársins

Hraunflóðið sigraði brauðtertukeppni ársins
Fókus
Fyrir 8 klukkutímum

Auður hleypur hálfmaraþon fyrir vin sinn – „Hann fór alltof ungur og ég sakna hans mikið“

Auður hleypur hálfmaraþon fyrir vin sinn – „Hann fór alltof ungur og ég sakna hans mikið“
Fréttir
Fyrir 8 klukkutímum

Hryllingsárásin fyrir utan 203 Club: Um 15 vitni kölluð til í dómsal – Örlög Daníels og Raúl nú í höndum dómara

Hryllingsárásin fyrir utan 203 Club: Um 15 vitni kölluð til í dómsal – Örlög Daníels og Raúl nú í höndum dómara
433Sport
Fyrir 9 klukkutímum

Mendy gekk inn á konu í sturtu og átti við sig – Hún grátbað hann um að fara en hann hlýddi ekki

Mendy gekk inn á konu í sturtu og átti við sig – Hún grátbað hann um að fara en hann hlýddi ekki