fbpx
Fimmtudagur 03.desember 2020

Stefán Máni, Þorgrímur Þráins og jólapiss í skafli – Sönn saga

Tobba Marinósdóttir
Föstudaginn 23. október 2020 20:30

Ég er búin að skreyta

Ekki missa af Helstu tíðindum dagsins í pósthólfið þitt

Lesa nánar

Leiðari DV 23. október 20202

Það að er áhugavert að rifja upp fyrstu kynni sín af fólki þegar lýsa á viðkomandi. Rifja upp hvernig það var að sjá manneskjuna bara utan frá.

Ég kynntist forsíðuviðtalsefni blaðsins, Stefáni Mána Sigþórssyni, fyrir rúmlega níu árum í stórskemmtilegum upplestrarleiðangri til Ólafsvíkur fyrir jólin.F yrstu kynni okkar Stefáns voru ekkert sérstaklega góð.
Þau voru mjög löng, spönnuðu hátt í 400 kílómetra og enduðu mun betur en á horfðist.

Stutta útgáfan er þessi. Rithöfundarnir Stefán Máni, Þorgrímur Þráins, Vigdís Grímsdóttir, Pétur Blöndal, þá blaðamaður hjá Mogganum, og Eggert Jóhannesson ljósmyndari og ég keyrðum saman til Ólafsvíkur til að bjóða upp á upplestur og heimsækja grunnskólann þar.

Ég var 26 ára, barnlaus og óþreytandi uppspretta kátínu og óþægilegra sagna úr miðborginni. Stefán Máni var á hátindi þess að vera dökkur, drungalegur og erfiður. Ég sá hvernig hann engdist um undir stýri við hverja söguna sem ég sagði.
Þorgrímur sat í skottinu og hvatti mig áfram í gleðisprengjunum enda sjálfur eitt stórt bros og gleði.

Í dag vill SMS meina að þyngslin í sér hafi nú aðallega verið vegna þess að honum finnst vont að keyra í hálku, snjó og byl úti á landi. Ég held að djamm- og deitsögurnar af okkur vinkonunum hafi valdið honum töluverðum óþægindum.

Ég reyndi að horfa ekki í bílstjóraspegilinn. Vildi ekki mæta dökkum augunum. Ég gæti dottið úr stuði.

Ferðin gekk vel. Upplesturinn mjög vel. Og svo var öllum boðið í jólaveislu heim til foreldra SMS. Þau búa í dásamlegu húsi rétt fyrir utan Ólafsvík. Húsið var allt í jólaljósum, hangikjötslyktina lagði út á hlað og ekki var rauðvínið sparað.

Þar, í jólalegasta húsi landsins, rættist martröð myrka mannsins.

Ég sagði foreldrum hans að í nýútkominni bók minni væri listi yfir álitlega einhleypa menn og drengurinn þeirra væri númer sjö. Ég myndi reyna að gera eitthvað í hans málum sem fyrst.

Hafandi stýrt Djúpu lauginni (reyndar urðu ekki til nein pör á minni vakt) þótti mér eðlilegt að reyna að bjarga þessum manni frá hyldýpi ástlausrar ævi.
Viti menn.

Svartnættið missti út bros við að hlusta á ræðu mína.

Á leiðinni heim lenti ég í vanda því ég hafði hugsanlega fengið mér smá jólabjór hjá mömmu SMS og var nú í spreng. Mér fannst það að biðja Stefán um að stoppa svo ég gæti pissað í skafl ekki spennandi.

Eitthvað hef ég verið eymdarleg því SMS keyrði fljótlega út í kant.
Hlýlega stjakaði hann mér út í skafl.

„Ekki detta.“

 

ps: Sökum ástands er ekkert annað í stöðunni en að flýta desember um mánuð og hafa hann í tvo mánuði. Jólabjórinn kemur fyrr í verslanir og ég held að konfekt og seríur séu það eina sem reddar myrkri og ömurð. Ég er allavegabúin að skreyta.

Nánar má lesa um þessa sérlegu ferð hér. 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Rúnar Alex um það hvort hann geti veitt Leno samkeppni – „Já, 100%“

Rúnar Alex um það hvort hann geti veitt Leno samkeppni – „Já, 100%“
433Sport
Fyrir 5 klukkutímum

Meistaradeild Evrópu: Byrjunarlið í leik sem gæti tryggt Manchester United áfram

Meistaradeild Evrópu: Byrjunarlið í leik sem gæti tryggt Manchester United áfram
433Sport
Fyrir 6 klukkutímum

Kolbeinn Sigþórsson: „Ég vil þakka AIK fyrir tímann“

Kolbeinn Sigþórsson: „Ég vil þakka AIK fyrir tímann“
Fréttir
Fyrir 7 klukkutímum

Svindlarar reyna að yfirtaka Facebook-leik Stakfells

Svindlarar reyna að yfirtaka Facebook-leik Stakfells
433Sport
Fyrir 9 klukkutímum

Young hafður að háð og spotti eftir þetta hræðilega klúður í gær

Young hafður að háð og spotti eftir þetta hræðilega klúður í gær
Fréttir
Fyrir 10 klukkutímum

Margrét hefur áhyggjur – „Er virkilega þörf á að kvelja börnin svona?“

Margrét hefur áhyggjur – „Er virkilega þörf á að kvelja börnin svona?“
433Sport
Fyrir 11 klukkutímum

Ráðningarferlið í fullum gangi – Skoða íslenska og erlenda kosti

Ráðningarferlið í fullum gangi – Skoða íslenska og erlenda kosti
Fréttir
Fyrir 11 klukkutímum

Anna Aurora ekki ákærð

Anna Aurora ekki ákærð