fbpx
Mánudagur 12.apríl 2021

Er allt að verða vitlaust?

Svarthöfði
Sunnudaginn 13. september 2020 10:48

Ekki missa af Helstu tíðindum dagsins í pósthólfið þitt

Lesa nánar

Mikið djöfull eru allir fljótir að tapa sér yfir smáhlutum. Íslendingar eru stórfurðulegir þegar kemur að því að velja sér tilefni til að frussa út úr sér 7up Free-inu af hneykslun. Eftir líka ógeðslega leiðinlegt sumar þar sem var bara nánast ekkert að frétta nema skæð kvefpest sem allir skjálfa á beinunum yfir, þá byrjar haustið með trompi. Trans Jesú, opinber druslusmánun og annar tittlingaskítur.

Svarthöfði ætlar að byrja á trans Jesú. Þjóðkirkjan, sem hefur barist við að halda stöðu sinni í þessu heiðingjasamfélagi sem við búum í, líkt og Sisyfos barðist við að velta steini upp fjall, ákvað að koma þeim skilaboðum á framfæri að kirkjan sé fyrir alla. Sunnudagaskólinn var auglýstur með litríkri mynd sem sýndi börn úr ólíkum bakgrunni í öllum litum koma saman til að fagna Jesú – sem var skeggjaður, brjóstgóður og kátur.

Hinir þröngsýnu og íhaldssömu voru fljótir að koma sér í skotgrafirnar. Jesús með brjóst? Hvað næst – Guð sjálfur með psoriasis? Þetta mátti ekki viðgangast. Ekki nóg með að það eigi að innræta börnunum að kirkjan sé fyrir alls konar fólk og Jesús sé líka alls konar, heldur var þessu guðlasti klínt utan á strætó.

Svarthöfða þykir hæpið að þeir sem hæst hafa gargað yfir þessari hneisu hafi nokkru sinni ferðast með strætó. Líklega fara sömu aðilar aldrei út úr reykmettaðri íbúð sinni þar sem þeir hámborða Prince Póló á meðan þeir fá útrás fyrir heilaga reiði sína á mylsnumettuðu lyklaborðinu til að predika að það sé heilagur sannleikur að Jesús hafi verið flatbrjósta með munaðarfull bringuhár og six-pack.

Svo voru það ungu konurnar sem fengu tækifæri til að eiga kvöldstund með ungstirnum úr enska landsliðinu. Svarthöfði er hvorki Jesús með brjóst né ung kona en hann hefði hiklaust gengið að tækifærinu að hitta fyrir vonarstjörnur Englendinga. Það hefði getað orðið ágætis kvöldstund. Við hefðum fengið okkur bjór og spilað veiðimann.

Drengirnir brutu þó sóttvarnalög er þeir tóku á móti gestum sínum. En treystum almenningi til að gleyma því á þremur sekúndum og byrja þess í stað að gagnrýna ungar konur fyrir að haga sér eins og ungar konur. Eigum við ekki næst að garga á endurnar á Tjörninni fyrir að borða brauð sem í þær er hent? Nei, í alvöru sko.

Að sjá fullorðið fólk, sem kemur jafnvel fram undir nafni, gagnrýna ungar konur og trans útgáfu af frelsaranum, er galið árið 2020. Svarthöfði veitir því einnig eftirtekt að fólkið sem hefur sig mest í frammi og er orðljótast í athugasemdum, er komið yfir fertugt. Það er nú mikið sagt ef vandræðaunglingarnir eru stilltari en fullorðna fólkið í opinberri umræðu. Trans Jesú gæti kennt ykkur ýmislegt um náungakærleikann. Því ekki hefur foreldrum ykkar tekist það, og tekst varla úr þessu.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Svarthöfði: Við erum öll almannavarnir, nema þeir sem sleikja smitkaðalinn

Svarthöfði: Við erum öll almannavarnir, nema þeir sem sleikja smitkaðalinn
433Sport
Fyrir 12 klukkutímum

Mikael á skotskónum er Midtjylland komst á toppinn í Danmörku

Mikael á skotskónum er Midtjylland komst á toppinn í Danmörku
EyjanFastir pennar
Fyrir 13 klukkutímum

Ríkiseinkasalan og litli atvinnurekandin

Ríkiseinkasalan og litli atvinnurekandin
433Sport
Fyrir 13 klukkutímum

Sneri aftur á knattspyrnuvöllinn eftir langvinn meiðsli – Íhugaði að leggja skóna á hilluna

Sneri aftur á knattspyrnuvöllinn eftir langvinn meiðsli – Íhugaði að leggja skóna á hilluna
Fréttir
Fyrir 16 klukkutímum

Kvöldverður á Bryggjunni á Akureyri breyttist í hrylling – Konan rotaðist vegna ótengdrar hurðapumpu

Kvöldverður á Bryggjunni á Akureyri breyttist í hrylling – Konan rotaðist vegna ótengdrar hurðapumpu
433Sport
Fyrir 16 klukkutímum

Sænska deildin hefst í dag og allra augu eru á Ísaki Bergmann – „Býr yfir hæfileikum sem fáir geta státað sig af“

Sænska deildin hefst í dag og allra augu eru á Ísaki Bergmann – „Býr yfir hæfileikum sem fáir geta státað sig af“