Leó XIV páfi sagði áhorfendum við Péturskirkjuna í Róm að gera líf sitt að „meistaraverki“ þegar hann tók hinn 15 ára Carlo Acutis í dýrlingatölu. Hinn bresk-ítalski drengur lést árið 2006 úr hvítblæði.
Breska blaðið The Daily Mail greinir frá þessu.
Um 80 þúsund manns voru samankomnir í Vatíkaninu til að fylgjast með þegra Carlo var tekinn í dýrlingatölu. Lík hans hefur verið til sýnis í borginin Assissi.
Einnig var maður að nafni Pier Giorgio Frassati gerður að dýrlingi. Hann var 24 ára ítalskur fjallgöngumaður sem lést árið 1925 úr lömunarveiki. Stórar veggmyndir af báðum dýrlingum hengu uppi til sýnis.
„Dýrlingarnir Pier Giorgio Frassati og Carolo Acutis eru boðskort til okkar, sérstaklega til ungs fólks, að sólunda ekki lífum okkar, heldur að beina þeim upp og gera þau að meistaraverkum,“ sagði Leó. „Jafn vel þó að þessir ungu menn hafi veikst og líf þeirra hafi verið stutt þá stöðvaði það þá ekki frá því að elska og gefa sig guði.“
Hundruð kardínála, biskupa og presta komu víðs vegar að til að vera við athöfnina. Þá söng kór sistínsku kapellunnar undir stjórn kórstjórans Marcos Pavan.
Sagði páfi að dýrlingarnir tveir hefðu verið dæmi um þá sem hefðu sýnt helgi og að hjálpa þeim sem þurftu á því að halda.
„Þið öll, við öll saman, erum kölluð til að verða dýrlingar,“ sagði Leó. Mannfjöldinn var svo mikill að Vatíkanið rúmaði hann ekki heldur flæddi hann yfir í Rómarborg sjálfa. Mikill fjöldi pílagríma var mættu til að verða vitni að atburðinum.
Einkum er það Carlo Acutis sem hefur fengið athyglina. En hann var áhrifavaldur sem hafði gaman af tölvuleikjum en einnig forritun og skrásetti hann kraftaverk og ýmsa aðra atburði tengda kaþólsku kirkjunni. Hefur hann fengið viðurnefnið „áhrifavaldur guðs.“
Lík hans er klætt í gallabuxur, Nike strigaskó og liggur í grafhýsi í Assissi. Þangað koma hundruð þúsunda á ári til þess að sjá hann. Hann átti ekki sérstaklega trúaða foreldra en var sjálfur mjög trúaður. Hann ólst upp skammt frá Mílanó og var þekktur fyrir að sína heimilislausu fólki og fórnarlömbum eineltis mikla mildi. Meðal annars færði hann fólki mat og svefnpoka.
