Erlendur ferðamaður náði mögnuðu myndbandi í Jökulsárlóni af ísjaka steypast ofan í sjóinn. Myndbandið hefur farið eins og eldur í sinu um netheima.

Greint er frá þessu í bandaríska tímaritinu Newsweek en það var ferðamaður sem kallar sig Sabrina GSS á TikTok sem birti myndbandið magnaða.

Í myndbandinu má sjá hvernig stór ísjaki veltur á hliðina og hrynur ofan í lónið. En ferðamennirnir voru á gúmmíbát skammt frá jakanum. „Svo þetta gerðist þegar við vorum í bátsferð í Jökulsárlóni,“ segir Sabrina í færslu með myndbandinu.

Fleiri ein ein milljón manns hafa skoðað myndbandið og athugasemdirnar eru orðnar tæplega 800 talsins. Margir nefna hlýnun jarðarinnar sem orsök.

„Þetta er ekki gott, þetta er hræðilega sorglegt,“ segir einn. „Þökk sé okkur mönnunum,“ segir annar.

@sabrina.gss Sooo this happened while we were doing a boat tour in the Glacier Lagoon. #wheniniceland #jokusarlon #glacierlagoon #zodiacboattour #icebergs #visiticeland2025 #thingstodoiniceland ♬ A Summer Place – Hollywood Strings Orchestra

Í frétt Newsweek um málið er rætt við Mauri Pelto, prófessor í jöklafræðum hjá North Cascade Glacier Climate Project. En hann hefur fylgst með áhrifum hlýnunar á jökla í yfir fjörutíu ár.

„Jöklarnir bráðna hraðar undir vatnsyfirborðinu sem veldur því að þeir snúast, þessar hreyfingar koma þessum ísturnum úr jafnvægi,“ segir hann. „Það er búið að vera heitt á Íslandi í sumar sem hraðar þessu ferli.“