Um klukkan 22 í gærkvöldi sáu lögreglumenn hvar bifreið var ekið gegn rauðu ljósi. Þeir gáfu ökumanni merki um að stöðva aksturinn en hann virti þau ekki og reyndi að stinga af. Að lokum stöðvaði hann aksturinn og reyndi þá að komast undan á hlaupum en hafði ekki árangur sem erfiði. Hann er grunaður um að hafa verið undir áhrifum áfengis og/eða fíkniefna. Auk þess var hann eftirlýstur vegna mála sem eru til rannsóknar hjá lögreglunni. Hann var vistaður í fangageymslu.
Á fimmta tímanum í gær var tilkynnt um bifreið utan vegar. Tveir menn reyndust hafa verið í bifreiðinni og eru þeir báðir grunaðir um að hafa verið undir áhrifum vímuefna. Þeir voru handteknir og vistaðir í fangageymslu.
Einn ökumaður var kærður fyrir að aka sviptur ökuréttindum og annar var handtekinn grunaður um að vera undir áhrifum vímuefna auk þess að vera sviptur ökuréttindum.
Tilkynnt var um ræktun kannabisefna í íbúð í fjölbýlishúsi. Lögreglan kannað málið og komst að því að tilkynningin var ekki á rökum reist.
