fbpx
Laugardagur 04.febrúar 2023
Fréttir

Fyrrum hvítrússneskur ráðherra segir að Vesturlönd megi ekki vanmeta Lukashenko

Kristján Kristjánsson
Miðvikudaginn 11. janúar 2023 08:00

Aleksandr Lukashenko er forseti Hvíta-Rússlands.

Ekki missa af Helstu tíðindum dagsins í pósthólfið þitt

Lesa nánar

Hvíta-Rússland hefur ekki blandað sér beint í stríðið í Úkraínu en stjórnarandstaðan í landinu óttast að fljótlega verði gripið til herkvaðningar og að Aleksandr Lukashenko, forseti, hyggist blanda sér í stríðið.

Pavel Latusjka, fyrrum menningarmálaráðherra Hvíta-Rússlands, varar Vesturlönd við því að vanmeta Lukashenko. Í samtali við RND sagði hann að Hvíta-Rússland geti gengið til liðs við Rússa í stríðinu gegn Úkraínu og að hann geti á hverri stundu boðað til herkvaðningar.

Latusjka er í dag félagi í hvítrússnesku stjórnarandstöðunni og er í útlegð í Varsjá í Póllandi.

Hann sagði að heimildarmenn hans í Minsk, höfuðborg Hvíta-Rússlands, hafi sagt sér að búið sé að biðja næstum allt starfsfólk innanríkisráðuneytisins um að skila vegabréfum sínum og að það sama eigi við í hinum ýmsu bæjum og borgum landsins.

„Þetta þýðir að þetta fólk mun ekki lengur geta komist úr landi ef gripið verður til herkvaðningar,“ sagði Latusjka.

Hvítrússar hafa ekki blandað sér beint í átökin fram að þessu en hafa leyft Rússum að fara um land sitt til árása og hafa að undanförnu eflt hernaðarsamstarf sitt við Rússa. Lukashenko er mjög háður Vladímír Pútín, bæði efnahagslega og pólitískt. Spurningin er hvort hann geti staðið gegn þrýstingi ef Pútín krefst þess að Hvítrússar blandi sér í stríðið.

Latusjka sagði að það væru mistök af hálfu Vesturlanda að hafa ekki gripið til nýrra refsiaðgerða gegn Hvíta-Rússlandi síðasta hálfa árið en þau settu ákveðnar refsiaðgerðir á Hvítrússa í upphafi stríðsins. Latusjka sagði að á þessum tíma hafi Hvítrússar fengið mikla fjármuni frá Rússlandi til að halda efnahagslífi sínu gangandi og til að bæta búnað hers síns og vopnaframleiðslu. Latusjka sagði að með þessu hafi Lukashenko keypt sér tíma til að undirbúa næsta stig stríðsins, það er þátttöku Hvítrússa í því.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Segir að Rússar ætli að hefja stórsókn 24. febrúar

Segir að Rússar ætli að hefja stórsókn 24. febrúar
Fréttir
Í gær

Reyndi að stinga lögregluna af á hlaupum

Reyndi að stinga lögregluna af á hlaupum
Fréttir
Fyrir 2 dögum

ESB-ríkin ætla að þjálfa 15.000 úkraínska hermenn til viðbótar

ESB-ríkin ætla að þjálfa 15.000 úkraínska hermenn til viðbótar
Fréttir
Fyrir 2 dögum

Lögreglan skaut fótalausan mann til bana – Myndband

Lögreglan skaut fótalausan mann til bana – Myndband
Fréttir
Fyrir 3 dögum

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð
Fréttir
Fyrir 3 dögum

Edda Björk tapaði í Landsrétti: Þarf að láta synina frá sér innan þriggja vikna

Edda Björk tapaði í Landsrétti: Þarf að láta synina frá sér innan þriggja vikna