fbpx
Mánudagur 22.júlí 2024
Fréttir

Musk biður Harald afsökunar – Segir hann íhuga að snúa aftur til starfa hjá Twitter

Ritstjórn DV
Miðvikudaginn 8. mars 2023 00:39

Elon Musk. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Elon Musk, eigandi Twitter og ríkasti maður heims, hefur beðið Harald Inga Þorleifsson afsökunar í nýrri færslu á samfélagsmiðlinum. Segist hann hafi misskilið stöðu Haraldar hjá fyrirtækinu. Það hafi byggst á sögum sem hann hafi heyrt en voru ekki sannar og öðrum sem að skipta litla máli.

Svo virðist sem ljósmyndarinn Daniel Houghton hafi skrifað færslu þar sem að hann lofsamaði Harald og sagði hann afar vinnusaman og með hæfileika og manngæsku á heimsmælikvarða. Sagði Houghton að Haraldur væri einhver sem allir vilji hafa með sér í liði og að það hlyti að hafa verið á misskilningi byggt að hann hafi ekki unnið handtak hjá Twitter eins og Musk hélt fram fyrr í dag.

Sjá einnig: Lestu einlægt svarbréf Haraldar við fötlunarfordómum Elon Musk – Skýtur föstum en duldum skotum á auðkýfinginn

Musk skrifar athugasemd við færslu Houghton og greinir frá því að vegna hennar hafi hann hringt myndsímtal í Harald til þess að reyna að átta sig á hvað væri satt og logið í málinu. Segir auðkýfingurinn að það sé löng saga að segja frá því símtali en að niðurstaðan sé sú að betra sé að ræða beint við fólk en eiga samskipti í gegnum Twitter.

Farsæll endir á sögulegu netrifrildi

Eins og alþjóð veit hófst sögulegt netfrildi milli Haraldar og Elon Musk fyrir rúmum sólarhring þegar íslenski frumkvöðullinn óskaði eftir upplýsingum um hvort að hann hefði verið rekinn frá Twitter eða ekki. Það náði eyrum Musk sem hló að starfslýsingu Haraldar og sakaði hann svo um í kjölfarið að hafa ekki unnið handtak meðan hann starfaði hjá Twitter og hæddist meðal annars að því að hann hafi skýlt sér á bak við líkamlega fötlun sína.

Málið vakti gríðarlega athygli á Twitter og ekki síður hjá helstu fjölmiðlum heims. Ljóst er að málið er að fá farsælan endi og nú liggur Haraldur undir feld, að sögn auðkýfingsins, um hvort að hann muni hreinlega snúa aftur til starfa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ása og börnin boðuðu til blaðamannafundar – „Enginn vill trúa því að fjölskyldumeðlimur, pabbi þeirra, bróðir eða eiginmaður geti framið slík myrkraverk“

Ása og börnin boðuðu til blaðamannafundar – „Enginn vill trúa því að fjölskyldumeðlimur, pabbi þeirra, bróðir eða eiginmaður geti framið slík myrkraverk“
Fréttir
Fyrir 2 dögum

Helgi vísar ásökunum um rasisma á bug og sakar Odd um atvinnuróg og dylgjur – „Þetta er lygi“

Helgi vísar ásökunum um rasisma á bug og sakar Odd um atvinnuróg og dylgjur – „Þetta er lygi“
Fréttir
Fyrir 3 dögum

Kolbrúnu brá illa í morgun – „Þessu fólki er gert að búa á hreinum sorphaug“

Kolbrúnu brá illa í morgun – „Þessu fólki er gert að búa á hreinum sorphaug“
Fréttir
Fyrir 3 dögum

Nuddarinn Guðbjartur sýknaður að beiðni saksóknara – Konan hafi reynt við hann og kært svo til lögreglu eftir að hann hafnaði henni og sleit meðferðarsambandinu

Nuddarinn Guðbjartur sýknaður að beiðni saksóknara – Konan hafi reynt við hann og kært svo til lögreglu eftir að hann hafnaði henni og sleit meðferðarsambandinu