Úkraínski herinn á ekki að fá langdræg vopn né öflugri vopn en hann hefur yfir að ráða núna. Að minnsta kosti ekki ef Aleksej Polistjtjuk fær að ráða. Hann er háttsettur embættismaður í úkraínsku utanríkisþjónustunni.

Hann segir að Vesturlönd fari yfir „rauða línu“ ef þau senda langdræg vopn og öflugri til Úkraínu. Með Vesturlöndum á hann við Bandaríkin og bandalagsríki þeirra.

Hann segir að Rússar muni út frá ítarlegum greiningum skilgreina „sérstakar aðgerðir sem svar við aðgerðum Vesturlanda“.

Hann nefndi ekki hvort Rússar telji að Vesturlönd hafi sent vopn af þessu tagi til Úkraínu eða hvort Rússar muni þá grípa til aðgerða. Hann fór heldur ekki nánar út í hvaða vopn falla undir þessa skilgreiningu eða af hverju þessi skilaboð koma núna.