fbpx
Mánudagur 17.júní 2024
Fréttir

Briddsspilarar vilja fá sömu meðferð og skákmenn

Ritstjórn DV
Fimmtudaginn 16. maí 2024 17:30

Myndin er samsett

Ekki missa af Helstu tíðindum dagsins í pósthólfið þitt

Lesa nánar

Briddssamband Íslands hefur sent frá sér umsögn um frumvarp til laga um skák sem nú er til meðferðar á Alþingi. Í umsögninni er óskað eftir að því að ríkið veiti bridds sömu meðferð og frumvarpið kveður á um að skákin muni hljóta. Einkum hvað varðar möguleika á að sækja um í afrekssjóð.

Í umsögninni segir að mikilvægt sé að gleyma ekki því öfluga starfi sem stundað sé í Briddshreyfingunni og það sé sanngirnismál að sambærilegt frumvarp um bridds kæmi fram þar sem kveðið yrði á um að afreksfólk gæti sótt um styrki úr afrekssjóði.

Talið sé að um 20.000 manns spili bridds á landinu en 220 milljón í öllum heiminum en um 30 milljónir spili handbolta á heimsvísu.

Í umsögninni er vísað til árangurs Íslendinga í alþjóðlegum keppnum í bridds, aðallega á 10. áratug síðustu aldar og þá ekki síst sigurs Íslands á heimsmeistaramótinu 1991.

Enn fremur segir að sambandið hafi unnið að því að efla barna- og unglingastarf. Það hafi verið sett í forgang en það sé þó erfitt að halda úti afreksstarfi og afrekssjóður myndi því breyta miklu.

Tekið er fram að áhersla hafi verið lögð á að efla bridds meðal framhaldsskólanema. Margir drengir sem hafi fundið sig illa í slíku námi hafi fundið sig vel í bridds. Það geti því nýst vel við að sporna gegn brotfalli úr námi og eflt og styrkt viðkomandi ungmenni og búið þennan hóp betur undir framtíðina.

Rannsóknir sýni einnig fram á að krakkar sem spili bridds efli námsárángur sinn ekki síst í raungreinum.

Ísland hafi náð góðum árangri í bridds og efniviður sé til staðar að halda því áfram. Því skori Briddssamband Íslands á Alþingi að koma á laggirnar afrekssjóði fyrir bridds.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum
Leiðrétting um Carbfix
Fréttir
Fyrir 2 dögum

Bikblæðingar á vettvangi rútuslyss – Vegarkaflinn „ein stór tjörudrulla“

Bikblæðingar á vettvangi rútuslyss – Vegarkaflinn „ein stór tjörudrulla“
Fréttir
Fyrir 2 dögum

Landsréttur staðfesti dóm yfir manni fyrir fjárdrátt – Tæmdi reikning fyrirtækis sem hann átti með öðrum

Landsréttur staðfesti dóm yfir manni fyrir fjárdrátt – Tæmdi reikning fyrirtækis sem hann átti með öðrum
Fréttir
Fyrir 2 dögum

Rússneskur bankastjóri varar við – Blikur á lofti

Rússneskur bankastjóri varar við – Blikur á lofti
Fréttir
Fyrir 2 dögum

Fór til Íslands fyrir þremur árum og gerði stór mistök: Nú hefur ókunnugur maður komið henni til bjargar

Fór til Íslands fyrir þremur árum og gerði stór mistök: Nú hefur ókunnugur maður komið henni til bjargar