fbpx
Fimmtudagur 20.janúar 2022
Fréttir

Hjónin Sigurjón og Þórkatla sögð höfuðpaurarnir í umfangsmiklum skatta- og bókhaldsbrotum Brotafls og Kraftbindinga

Björn Þorfinnsson
Mánudaginn 6. desember 2021 15:07

Brotafl kom að uppbyggingu fangelsisins á Hólmsheiði

Ekki missa af Helstu tíðindum dagsins í pósthólfið þitt

Lesa nánar

Héraðssaksóknari hefur gefið út ákæru á hendur fimm einstaklingum vegna stórfelldra skatta- og bókhaldsbrota sem og grun um peningaþvætti. Brot einstaklinganna tengjast fyrirtækjunum Brotafli og Kraftbindingum en hin meintu brot hlutu mikla athygli fjölmiðla fyrir rúmum fimm árum í kjölfar umfjöllunar Fréttatímans. Í umfjölluninni kom fram að forsvarsmenn fyrirtækjanna sættu rannsókn fyrir áðurnefnd auðgunarbrot en einnig mögulegt mansal á erlendu verkafólki sem var þó ekki ákært fyrir.

Höfuðpaurar málsins eru sögð hjónin Sigurjón G. Halldórsson og Þórkatla Ragnarsdóttir, sem voru framkvæmdastjórar Brotafls. Þau eru ákærð fyrir að standa skil á efnislega röngum virðisaukaskattskýrslum, rangfæra bókhald félagsins og peningaþvætti upp á að lágmarki 64 milljónir. Um tíma þurftu hjónin að sæta gæsluvarðhaldi vegna málsins.

Þá voru stjórnarmaður Kraftbindinga og framkvæmdastjóri félagsins, bræðurnir Konráð Þór og Róbert Páll Lárussynir, ákærðir fyrir sömu brot á skattalögum, að standa skil á efnislega röngum virðisaukaskattskýrslum, rangfæra bókhald félagsins og peningaþvætti. Brot þeirra nema 87 milljónum króna. Sá síðarnefndi er tengdasonur Sigurjóns og Þórkötlu.

Þá er Kristján Þórisson ákærður fyrir að hafa aðstoðað hjónin með útgáfu rangra og tilhæfulausra reikninga í nafni fjögurra félaga sem hann var í forsvari fyrir. Hann er einnig ákærður fyrir peningaþvætti með því að hafa aflað sér og öðrum ávinnings að fjárhæð að lágmarki 152 milljónum króna og allt að 763 milljónum króna með útgáfu sölureikninga á hendur Brotafli og Kraftbindinga.

Ákæran á hendur fimmmenningunum verður þingfest í Héraðsdómi Reykjaness í vikunni.

Eftir mikla umfjöllun um fyrirtækin og forsvarsmenn þeirra vakti talsverða athygli árið 2017 þegar nýtt fyrirtæki í eigu Sigurjóns og Þórkötlu varð hlutskarpast í útboði um stærsta niðurrifsverkefni Íslandssögunnar – Sementsverksmiðjuna á Akranesi. Í umfjöllun DV á sínum tíma kom fram að gríðarleg óánægja gaus upp meðal samkeppnisaðila um að aðilar með sviðna jörð eftir sig gætu óáreittir stofnað ný fyrirtæki og fengið stór verkefni hjá opinberum aðilum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Hörð orðaskipti Bubba og Þórarins – „Þú ert tapsár með eindæmum“ – „Vilt þú ekki halda þig við það sem þú kannt besservisser“

Hörð orðaskipti Bubba og Þórarins – „Þú ert tapsár með eindæmum“ – „Vilt þú ekki halda þig við það sem þú kannt besservisser“
Fréttir
Fyrir 23 klukkutímum

Svar hlýtur silfurvottun frá Microsoft

Svar hlýtur silfurvottun frá Microsoft
Fréttir
Fyrir 2 dögum

Starfsfólk SÁÁ sendir frá sér harðorða yfirlýsingu – Mótmæla ásökununum harkalega

Starfsfólk SÁÁ sendir frá sér harðorða yfirlýsingu – Mótmæla ásökununum harkalega
Fréttir
Fyrir 2 dögum

Tæpur þriðjungur leikskólabarna og 21% grunnskólabarna í Reykjavík fjarverandi í gær

Tæpur þriðjungur leikskólabarna og 21% grunnskólabarna í Reykjavík fjarverandi í gær