Kristján Gunnar Valdimarsson, lögmaður og fyrrverandi lektor í skattarétti við Háskóla Íslands verður ekki ákærður fyrir meint brot er hann var sakaður um að hafa framið í kringum jólin árið 2019. Þetta staðfesti Kolbrún Benediktsdóttir varahéraðssaksóknari í samtali við fréttastofu Vísis. En RÚV greindu fyrst frá málinu
Málið mun ekki hafa talist líklegt til sakfellingar. Þessa ákvörðun er þó hægt að kæra til ríkissksóknara, en þá þarf meintur brotaþoli að standa að baki slíkri kæru eða í þessu máli, meintir brotaþolar, en brotaþolar í þessu máli voru fjórir og málin þrjú.
Kristján Gunnar var handtekinn á jóladag árið 2019 og sat í gæsluvarðhaldi til 29. desember grunaður um kynferðisbrot og frelsissviptingu. Þá hafði lögregla verið kölluð út á heimili hans á Þorláksmessu þar sem foreldrar stúlkunnar óttuðust að hún væri þar stödd. Stúlkan var svo flutt af heimili Kristjáns daginn eftir, aðfangadag, og farið var með hana á neyðarmóttöku fyrir þolendur kynferðisbrota.
DV greindi frá því í júlí á síðasta árið að málið væri komið til ákærusviðs lögreglunnar en nú er ljóst að ekkert verður af ákæru í málinu.
Síðla árs 2019 var ófremdarástand í kringum heimili Kristjáns Gunnars þar sem ungligapartí voru tíð og mikið var þar neytt af fíkniefnum. Heimildir DV á þeim tíma hermdu að Kristján væri að bjóða ungum stúlkum fíkniefni í skiptum fyrir kynlíf.
Sjá einnig:
Dóttir Gunnars var á heimili lektorsins:Sprautur, eiturlyf og hnífar – „Þetta var ógeðslegt“
Kristján Gunnar handtekinn á jóladag og færður í einangrun
Lektor við HÍ með unglingapartí í Vesturbænum:Bauð unglingsstúlkum fíkniefni í skiptum fyrir kynlíf