Kona sem hafði verið dæmd í Héraðsdómi Vestfjarða fyrir búðarþjófnað var sýknuð í Landsrétti í dag. Konan hafði verið ákærð fyrir að stinga fjórum hlutum í tösku sína í verslun Lyfju og fékk þriggja mánaða skilorðsbundinn dóm.

Hún áfrýjfaði til Landsréttar sem komst að þeirri niðurstöðu að upptökur úr eftirlitsmyndavélum væru það óskýrar að ekki væri hægt að slá því föstu að konan hefði stungið hlutunum í tösku sína. Enn fremur hefði ekki verið gengið úr skugga um að hlutirnir væru horfnir úr versluninni.

Konan var því sýknuð.