fbpx
Þriðjudagur 07.apríl 2020
Fréttir

Lúffaði RÚV fyrir femínistum? – Umdeild verðlaunamynd ekki lengur aðgengileg – „Ég hreinlega neita að trúa því“

Ritstjórn DV
Laugardaginn 22. febrúar 2020 13:00

Ekki missa af Helstu tíðindum dagsins í pósthólfið þitt

Lesa nánar

Ekki verður betur séð en þrýstingur frá femínistum hafi virkað hvað varðar sýningu á myndinni Elle. Myndin var sýnd á RÚV á sunnudaginn en ekki voru allir sáttir með þá ákvörðun. Hópur kvenna sendi út yfirlýsingu sem birtist á Stundinni vegna sýningarinnar og sögðu hana löðrung í andlit þolenda kynferðisofbeldis.

Myndin er ekki aðgengileg á Sarpnum né á vefsíðu RÚV líkt og sambærilegar myndir sem hafa verið sýndar á sunnudagskvöldum. Yfirleitt eru slíkar myndir aðgengilegar í nokkrar vikur eftir sýningu. Til að mynda má enn nálgast spænsku myndina Ma ma sem sýnd var 2. febrúar. Fyrrnefndum íslenskum femínistum þótti myndin, sem er eftir Paul Verhoeven, fara yfir strikið.

Skiptar skoðanir eru þó um það því Árni Pétur Arnarsson, nemi í kvikmyndafræði, kom myndinni til varnar í vikunni og benti á að hún hafi fengið lof erlendis. Þess má geta að kvikmyndin vakti lukku á verðlaunahátíðum þegar hún kom út og vann meðal annars til tveggja Golden Globe verðlauna.

Sjá einnig: Árni Pétur kemur kynferðislega ögrandi mynd til varnar – Segir femínista komna á hálan ís – „Ætlum við að leggja allar kvikmyndir í dóm fyrir siðanefnd?“

Vökull borgari hafði samband við DV og benti á þetta. Hann hugðist horfa á myndina í gær eftir umtal vikunnar. „Ég og frúin höfðum rætt það í vikunni að kíkja á þessa mynd eftir annasama viku. Það voru svo margir að tala um hana. Við höfðum allavega hvorugt séð hana og höfum bæði gaman af góðum bíómyndum. Það kom okkur mjög á óvart að geta ekki horft á myndina. Hún var það eina sem ég sá í Sarpinum á Apple TV sem ekki var hægt að horfa á. Ég tékkaði á vefnum hjá RÚV og sá að það var ekki heldur hægt að horfa á hana þar,“ segir ósátti kvikmyndaunnandinn.

Hann segist einfaldlega vona að þetta sé einhver bilun í kerfinu eða mögulega misskilningur. „Mér datt í hug að RÚV hefði lúffað út af þessari yfirlýsingu en ég hreinlega neita að trúa því. Ég sá að þessi mynd var að fá mjög fína dóma og las að yfirlýsingin væri byggð á einhverskonar misskilningi. Ef RÚV hefur fjarlægt myndina eða gert hana óaðgengilega þarf stofnunin að hugsa sinn gang verulega. Ég vona hreinlega að þetta sé bara einhver bilun eða misskilningur,” segir ósáttur viðmælandi sem setti sig í samband við DV.

Sjá einnig: Fjöldi kvenna hjólar í RÚV vegna umdeildrar bíómyndar: „Fullkomin vanvirðing

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Sakfelldur fyrir heimilisofbeldi – Réðst á ófríska sambýliskonu – Ógnaði fólki með hnífi og glerbrotum

Sakfelldur fyrir heimilisofbeldi – Réðst á ófríska sambýliskonu – Ógnaði fólki með hnífi og glerbrotum
Fréttir
Í gær

Sterkur grunur á að andlát konunnar í Sandgerði hafi borið að með saknæmum hætti

Sterkur grunur á að andlát konunnar í Sandgerði hafi borið að með saknæmum hætti
Fréttir
Í gær

Kona fannst látin í Hafnarfirði – Tveir handteknir vegna málsins

Kona fannst látin í Hafnarfirði – Tveir handteknir vegna málsins
Fréttir
Fyrir 2 dögum

Fimmta dauðsfallið vegna COVID-19: „Ég syrgi í dag vin minn“

Fimmta dauðsfallið vegna COVID-19: „Ég syrgi í dag vin minn“
Fréttir
Fyrir 2 dögum

Sólveig lýsir grafalvarlegum aðstæðum gamals fólks á COVID tímum – „Berjast fyrir sérstöku brandaraálagi“

Sólveig lýsir grafalvarlegum aðstæðum gamals fólks á COVID tímum – „Berjast fyrir sérstöku brandaraálagi“
Fréttir
Fyrir 2 dögum

Gripinn glóðvolgur eftir innbrot á Granda

Gripinn glóðvolgur eftir innbrot á Granda
Fréttir
Fyrir 3 dögum

Efling afturkallar úthlutanir orlofshúsa í apríl

Efling afturkallar úthlutanir orlofshúsa í apríl