DV sagði í síðustu viku frá grein Pulitzer verðlaunahafans Nicholas Kristofs í New York Times. Vakti Kristof þar athygli á gríðarlegu magni af ólöglegu efni sem talið er sýna barnaníð, hefniklám og annað kynferðislegt ofbeldi á síðunni Pornhub. Þá sagði hann frá harmsögu unglingsstelpu sem sendi kærasta sínum nektarmyndir sem enduðu á síðunni og sögu 15 ára fórnarlambs mannræningja, sem fannst loksins eftir að myndbönd af nauðgun stelpunnar birtust á síðunni.
Sjá nánar: Segir Pornhub fullt af barnaníð og hefndarklámi – 15 ára fórnarlamb mannræningja fannst á síðunni
Óhætt er að segja að greinin vakti mikla athygli, ekki síst í ljósi þess að MasterCard, eitt stærsta kortafyrirtæki heims, fyrirskipaði sína eigin rannsókn á efni síðunnar, sem er ein mest heimsótta vefsíða heims. Sagði MasterCard þá að væru ásakanir New York Times efnislega réttar þyrfti kortafyrirtækið að loka á viðskipta við síðuna. Nú hefur MasterCard látið verða af því, og fylgdi VISA í kjölfarið. Þannig er ekki lengur hægt að nota Visa eða MasterCard kort á vefsíðunni lengur.
Pornhub vísaði ásökunum Kristofs fyrst alfarið á bug en eitthvað hefur tónninn breyst nú þegar hætta er á að tekjuflæði félagsins verði kæft með öllu. Frá þessu greindi New York Times.
Í sjálfstæðum rannsóknum kortafyrirtækjanna á efni vefsíðunnar Pornhub komust þau bæði að því að sláandi efni í grein Kristofs ætti við rök að styðjast. Þar væri að finna ólögmætt og ofbeldisfullt efni. Í tilkynningu Pornhub sem New York Times sagði frá segir MasterCard að „brot á skilmálum kortafyrirtækisins um ofbeldisfullt efni á heimasíðum hefði verið brotin.“
Pornhub tilkynnti þá í gær að síðan hyggst gera grundvallar breytingar á starfsemi sinni. Stendur nú til að banna með öllu óstaðfesta aðganga sem geta hlaðið upp efni á síðunni. Muni allir notendur sem ætla sér að hlaða upp efni því þurfa að sanna á sér deili. Þá hyggst fyrirtækið taka frekari skref til þess að koma í veg fyrir að ofbeldisfullu efnu verði dreift í gegnum síðuna.
Síðan fékk 42 milljarða heimsókna í fyrra. Í tilkynningu frá Pornhub segja forsvarsmenn klámsíðunnar að aðgerðir kortafyrirtækjanna séu sláandi fyrir hundruð þúsunda „fyrirsæta,“ sem reiða sig á Pornhub til að selja efni sitt.“