Lögregla hefur gefið út nafn mannsins sem lést í húsbílsbrunanum í Árnessýslu á föstudag. Hann hét Einar Jónsson og var 38 ára að aldri. Í tilkynningu segir:
Kennslanefnd ríkislögreglustjóra hefur, með rannsókn sinni, staðfest að líkamsleifar manns sem lést í bruna í húsbíl í landi Torfastaða í Grafningi séu af Einari Jónssyni sem fæddur var þann 21. ágúst 1982. Einar var með lögheimili að Akraseli 5 í Reykjavík. Hann var ókvæntur og barnlaus.
Krufning fór fram í gær og samkvæmt bráðabirgðaniðurstöðu er talið að Einar hafi látist af völdum súrefnisskorts vegna brunans í bílnum. Beðið er eftir endanlegri niðurstöðu rannsókna sem og niðurstöðu tæknideildar um eldsupptökin. Sú vinna er samkvæmt tilkynningu tímafrel og mun taka einhverjar vikur.