Klukkan rúmlega níu í morgun var tilkynnt um einstakling sem hafði veist að konu í austurborginni. Í skeyti frá lögreglu segir að maðurinn hafi bæði kýlt og sparkað í hana. Ekki kemur fram hvort konan hafi slasast eða þurft á aðhlynningu að halda. Ekki er vitað hvað manninum gekk til en málið er í rannsókn.
Morguninn hefur að öðru leyti verið rólegur í umdæmi lögreglunnar á höfuðborgarsvæðinu.
Þó var tilkynnt um fimm bíla árekstur á Reykjanesbraut í morgun, en engin meiðsl urðu á fólki. Þá hafa borist nokkrar tilkynningar um innbrot víðsvegar á höfuðborgarsvæðinu.