fbpx
Sunnudagur 25.ágúst 2019  |

DV - Frjáls og óháður miðill

Tekjublað 2019  Sjá allt

Fréttir

Einar er látinn – „Í gærkvöld ýtti hann loks úr vör og tók aftur yfir stjórnvölinn“

Ragna Gestsdóttir
Laugardaginn 8. júní 2019 17:18

Ekki missa af Helstu tíðindum dagsins í pósthólfið þitt

Lesa nánar

Einar Hannesson lögmaður lést á líknardeild Landspítalans í gærkvöldi, 48 ára að aldri.

Einar greindist með krabbamein sumarið 2013, ári síðar fékk hann þá niðurstöðu að krabbameinið væri ólæknandi. Einar lét þó þær fregnir ekki stöðva sig í starfi og leik; stofnaði fyrirtæki, reisti sumarhús, starfaði við lögmennskuna áfram og var árið 2018 aðstoðarmaður Sigríðar A. Andersen, fyrrum dómsmálaráðherra.

Grétar Hannesson lögmaður, bróðir Einars, greinir frá andláti Einars í einlægri færslu á Facebook. Skrifar hann að Einar hafi haldið sínu striki og sýnt af sér aðdáunarvert æðruleysi og karlmennsku í baráttunni.

„Hann var leiðtoginn í sínu lífi, skipstjórinn á sinni skútu, í eiginlegri og óeiginlegri merkingu.“

Segir Grétar að „Öll þessi lífsorka og framtakssemi blindaði okkur samferðamönnum hans og þeim sem næst stóðu ef til vill sýn. Við töldum að krabbameinið yrði hugsanlega sigrað eða að það myndi liggja í leyni árum saman.“

Breyting varð þó á í haust þegar meinið tók yfir og ljóst var að lokabaráttan væri framundan. Fjöldi vina, ættingja og ástvina Einars hafa ritað samúðarkveðjur við færslu Grétars.

Einar var fæddur 16. janúar árið 1971 í Reykjavík.

Hann lauk embættisprófi í lögfræði árið 1998 og öðlaðist héraðsdómslögmannsréttindi árið 2000 en hann er einnig löggiltur fasteignasali. Þá aflaði hann sér framhaldsmenntunar í hagfræði og reglum Alþjóðaviðskiptastofnunarinnar við Harvard háskóla árið 2003 og í enskum sjó- og viðskiptarétti við Lloyd´s Maritime Academy 2008 og við London Metropolitan University 2011-2013 með sérstakri áherslu á enskan sjótryggingarétt og siglingar á heimskautaslóðum. Á meðan Einar stundaði laganám var hann við námsvist í dóms- og kirkjumálaráðuneytinu og sat í stjórn Heimdallar árin 1998-1999.

Einar starfaði sem lögfræðingur í samgönguráðuneytinu árin 1998-2002 og hafði umsjón með fjarskiptamálum og stefnumótun. Árið 2002 hóf hann störf sem erindreki Íslands gagnvart Evrópusambandinu á sviði fjarskipta-, samgöngu- og ferðamála. Á árunum 2003-2010 var Einar lögfræðingur hjá Eftirlitsstofnun EFTA þar sem hann hafði umsjón með innleiðingareftirliti EES löggjafar á sviði fjarskipta-, póst-, sjónvarps- og upplýsingasamfélagsþjónustu, samgangna og almannavarna auk tilskipunar um rafræn viðskipti í Noregi, Íslandi og Liechtenstein. Ábyrgð hans færðist yfir á svið samgöngulöggjafar að undanskildum flugmálum í þessum löndum árið 2005 auk almannavarna.

Árin 2010-2013 sigldi Einar á skútu yfir Atlantshafið og kannaði á þeim leiðangri tengsl laga og stjórnmálaákvarðana á lífsgæði auk þess að nema enskan sjórétt.

Í febrúar árið 2018 var hann ráðinn sem aðstoðarmaður Sigríðar Á. Andersen.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 21 klukkutímum
Það þarf hörmungar
Fréttir
Í gær

Guðberg lenti í grófu einelti og kynferðisofbeldi – „Ég gat ekki andað og missti meðvitund“

Guðberg lenti í grófu einelti og kynferðisofbeldi – „Ég gat ekki andað og missti meðvitund“
Fréttir
Í gær

Tekjublað: Kaupfélagsstjórinn ekki á flæðiskeri staddur

Tekjublað: Kaupfélagsstjórinn ekki á flæðiskeri staddur
Fréttir
Í gær

Lögreglan á höfuðborgarsvæðinu skólaði andstæðing Gleðigöngunnar á Twitter

Lögreglan á höfuðborgarsvæðinu skólaði andstæðing Gleðigöngunnar á Twitter
Fréttir
Í gær

Tekjublað: Sparar á spítalanum

Tekjublað: Sparar á spítalanum
Fréttir
Í gær

Þorvaldur vill ekki sjá vindmyllur á Íslandi: „Sjást úr margra tuga kílómetra fjarlægð“ – Hærri en Hallgrímskirkja

Þorvaldur vill ekki sjá vindmyllur á Íslandi: „Sjást úr margra tuga kílómetra fjarlægð“ – Hærri en Hallgrímskirkja
Fréttir
Í gær

Stundin segir Loga Pedro fara með rangt mál

Stundin segir Loga Pedro fara með rangt mál