Karlmaður fæddur árið 1959 hefur verið úrskurðaður í gæsluvarðhald til fimmtudagsins 8. nóvember. Maðurinn er talinn hafa ráðist á konu í heimahúsi í Þorlákshöfn á sunnudaginn.
Lögregla greinir frá þessu í fréttatilkynningu. „Maðurinn er talinn hafa veitt konu á fimmtugsaldri stunguáverka á kvið með hnífi. Konan var flutt af vettvangi á sjúkrahús, með sjúkrabifreið, þar sem hún dvelur enn en er ekki talin í lífshættu. Báðir aðilar eru af erlendu bergi brotnir en hafa verið búsettir hér og unnið um lengri tíma,“ segir í tilkynningu.
