Kristín Halldórsdóttir er látin. Hún fæddist í Varmahlíð í Reykjadal þann 20. október 1939. Kristín var þekktur fjölmiðlamaður, starfaði á Tímanum sem blaðamaður frá árinu 1961 til 1964. Frá árinu 1972 til 1974 var hún blaðamaður á Vikunni og settist síðan í ritstjórastól og stýrði vikuritinu frá 1974 til 1979.
Seinna var hún þingmaður fyrir kvennalistann. Sat hún á þingi frá 1983 til 1989 og svo aftur frá 1995 til 1999. Kristín var formaður þingflokks Samtaka um kvennalista 1984–1985, 1996–1997 og 1998–1999. Hún var einnig formaður Ferðamálaráðs frá 1989 til 1993.
Á vef RÚV segir að Kristín hafi glímt við erfið veikindi. Efitrlifandi eiginmaður hennar er Jónas Kristjánsson fyrrverandi ritstjóri DV en þau áttu fjögur börn.
