Ertu að leita að nýjum og skemmtilegum leiðum til að grennast? Sérfræðingurinn Kate Docherty afhjúpar hversu mörgum kaloríum algengustu heimilisstörfin brenna. The Sun greinir frá.

Garðyrkjustörf – 418 kaloríum á klukkutíma

Ef þú ert með stóran garð þá er tilvalið að slá grasið í einn klukkutíma og brenna 418 kaloríum.

Enginn garður? Umpottaður plönturnar þínar í einn klukkutíma og brenndu 162 kaloríum.

Þrífa bílinn – 234 kaloríum á klukkutíma

Þrífðu bílinn með sápu og svampi og brenndu þannig 234 kaloríum á einum klukkutíma.

Kynlíf – 200 kaloríum á klukkutíma

Karlmenn brenna yfirleitt um 100 kaloríum í 25 mínútna kynlífi, konur brenna um 69 kaloríum. Sjálfsfróun brennir aðeins um 5 eða 6 kaloríum.

Elda – 150 kaloríum á klukkutíma

Eldaðu gómsæta máltíð og þú brennir um 150 kaloríum. Enn betra ef um holla uppskrift er að ræða.

Uppvask – 320 kaloríum á klukkutíma

Uppvask getur tekið á, sérstaklega ef þú ert að þrífa fitugar pönnur og potta. Ef þú ert með uppþvottavél þá eyðirðu samt um 105 kaloríum í að skola diskana og setja þá í vélina.

Þvo þvott – 148 kaloríum á klukkutíma

Það getur bókstaflega hjálpað þér að léttast að þvo þvottinn þinn. Það fer eftir hversu mikinn þvott þú þværð, en þú getur eytt allt að 148 kaloríum á einum klukkutíma.

Þrífa – 200 kaloríum á klukkutíma

Það er ástæða fyrir því að þetta kallast heimilisstörf, þú þarft að vinna fyrir þeim. Moppa, ryksuga og að þurrka af brenna allt að 200 kaloríum á klukkutíma.

Mála heimilið – 300 kaloríum á klukkutíma

Þú eyðir 300 kaloríum á klukkutíma þegar þú málar veggi heimilisins. Þá er ekki einu sinni tekið með í myndina öll húsgögnin sem þú færir fyrir það.