Íslenska kvennalandsliðið heimsækir Spán í fyrsta leik í undankeppni HM í kvöld.

Spánverjar eru ríkjandi heimsmeistarar og hefur uppgangur liðsins verið mikill síðustu ár. Verkefni kvöldsins er ærið og er erfitt að ætla að íslenska liðið taki stig úr leiknum.

Hópurinn og þjálfarateymið hefur þó undirbúið sig af kappi til að vera eins klár og mögulegt er. KSÍ birti myndband af ræðu Ólafs Kristjánssonar, aðstoðarþjálfara landsliðsins, fyrir leik kvöldsins. Þar má sjá hann valdefla mannskapinn.

Leikurinn hefst klukkan 18 að íslenskum tíma. Í riðli Íslands eru einnig Evrópumeistarar Englands og Úkraínu, en riðill okkar er hluti af A-deild undankeppninnar. Þar fer eitt lið beint á HM og hin þrjú í umspil.

Hér að neðan er ræða Ólafs frá æfingasvæðinu á Spáni.