Úlfhildur Dagsdóttir, bókavörður og hrollvekjusérfræðingur, greindist með krabbamein fyrir stuttu. Í útvarpsþættinum Segðu mér segir hún krabbameinsmeðferðir vera eins og eitthvað frá miðöldum.
„Ég fékk brjóstarkrabbamein. Það eru þessar miðaldaaðferðir sem eru notaðar ennþá við flest öll krabbamein. Það er aflimun. Skorið af mér annað brjóstið og hitt minnkað. Ég var svona eins og þverskorin ýsa sagði ein góð vinkona mín sem lenti í svipuðu talaði um. Síðan er líkamanum drekkt í eitri sem rústar öllu. Síðan er kveikt í manni, maður fer í laser-aðgerð og er brenndur. Þetta eru bara miðaldaaðferðir. Aflimun, eitrun og bruni, svipað eins og var farið með nornir,“ segir Úlfhildur.
„Að ganga í gegnum þetta þá upplifði ég nákvæmlega allar þessar kenningar sem ég hafði verið að stúdera. Ég veit svo sem ekki hvers kyns ég er eftir þetta. Ég er með hálft brjóst. Eitrið brennir eggjastokkana og alla hormónavirkni þannig ég er steingeld. Ég svolítið velti þessu fyrir mér. Ég sé um hinsegin bækurnar á bókasafninu. Ég segi stundum að ég geti alveg gert það, þó ég skilgreini mig ekki sem hinsegin, ég meina ég er með hálft brjóst, ég er einskins kyns. Þannig ég get alveg eins tekið að mér þessar bækur,“ segir hún og hlær.
„Þetta var mjög merkileg upplifun að fara í gegnum þetta,“ segir hún og bætir við að hún hafi farið í gegnum sama ferli með móður sinni.
