Það eru ýmsar góðar ástæður til að slíta ástarsambandi. Á sama tíma er líka meira en nóg af ömurlegum afsökunum. Hér förum við yfir það síðarnefnda en notendur Reddit deildu á dögunum kostulegum frásögnum af verstu skýringum sem þeir höfðu fengi að heyra þegar hinn aðilinn vildi enda sambandið.
Fyrrverandi sagði þetta allt í sömu setningu: „Ég er samkynhneigð, ég er búin að kynnast öðrum, hann er miklu ríkari en þú, það er samt ekki þú heldur ég, það er örugglega best að við séum bara vinir.“
„Þetta fékk ég að heyra frá einni stelpu: ‚Ég lofaði Isaac að ég myndi byrja með honum þann tólfta.‘ Farðu til andskotans Jennifer.“
„Hún sagðist ekki geta verið í fjarsambandi. Síðan byrjaði hún með herbergisfélaga mínum, sem bjó akkúrat tveimur metrum lengra frá henni en ég. Við vorum ekki herbergisfélagar mikið lengur eftir þetta.“
Fyrrverandi sagði: „Við rífumst aldrei, þú öskrar aldrei. Ég þarf að sjá þig sína einhverjar tilfinningar.“
„Hann fann einhverja sem leit út eins og tvíburasystir mín með stærri brjóst.“
„Hún hringdi í mig einn morgun og sagðist hafa dreymt að ég hefði gripið í rassinn á henni fyrir framan fjölskyldu hennar og vini. Hún sagðist ekki geta verið með einhverjum sem gæti gert svona og fundist það í lagi. Ég var orðlaus. Hún hætti með mér út af því hvernig ég hegðaði mér í draumnum hennar.“
„Ein fyrrverandi hætti með mér vegna þess að besta vinkona hennar hafði hætt með sínum kærasta nokkrum dögum áður. Ég vissi ekki að sambönd okkar tengdust svona sterkum böndum.“
„Guð. Hann sagði að Guð hafi skapað konu handa hverjum manni og þar sem ég væri fráskilin vissi hann að ég gæti ekki verið sú eina rétta handa honum.“
„Hann vildi vera betri í að iðka kristna trú og brjóstin mín voru tálbeita djöfulsins. Ég var ekki einu sinni reið.“
Fyrrverandi sagði: „Ég elska þig of mikið og vil ekki missa þig svo við skulum bara vera vinir í staðinn.“
