Saknar þú fjöldamorðingjans og blóðslettufræðingsins Dexter?

Ef svo er þá ætti „frændi“ hans Barry að fylla upp í skarðið. Bill Hader leikur Barry, leigumorðingja sem ferðast til Los Angeles til að koma nýjasta skotmarki sínu fyrir kattarnef. Þar kemst hann í kynni við hóp af leiklistarnemum og kennara þeirra og ákveður að skella sér með í leiklistarnámið. Öllum að óvörum og honum sjálfum hvað mest, þá á leiklistin vel við hann. Getur leigumorðingi á besta aldri, umvafinn verkefnum, snúið við blaðinu og fundið sér annan starfsvettvang?
Fyrsta þáttaröðin samanstendur af 8 þáttum og búið er að semja um aðra þáttaröð.