Ásdís María Viðarsdóttir er námsmaður í Berlín í Þýskalandi og hefur líkt og margir námsmenn ekki mikil peningaráð.

Ákváðu hún og vinir hennar, sem eru flest í sömu stöðu, að gefa myndir af hvert öðru í jólagjöf. Ásdís María tók gjöfina skrefinu lengra og fékk vinkonu sína, Maríu Guðjohnsen, í lið með sér og gerði dagatal með myndum af sjálfri sér.

„Ég á ekki krónu nema þær sem ég finn í sófanum mínum. Ég án gríns veit ekki alveg hvað ég var að pæla en mér fannst þetta fyndið,“ segir Ásdís í samtali við Nútímann og bætir því við að viðbrögðin við gjöfinni hafi verið mjög góð, sem betur fer hafi fjölskyldunni fundist þetta fyndið líka.