Parið hefur haldið sig til hlés frá sviðsljósinu undanfarna mánuði, sérstaklega Kleini sem hefur verið í pásu frá samfélagsmiðlum síðan í lok júlí í fyrra. Í þættinum ræða þau hvað þau hafa verið að bralla undanfarna mánuði, hvað sé fram undan og margt fleira. Þú getur horft á brot úr þættinum hér að neðan en smelltu hér til að horfa á hann í heild sinni. Þú getur einnig hlustað á Spotify, Apple Podcasts eða Google Podcasts.
Hlustaðu á þáttinn á Spotify, Apple Podcasts eða Google Podcasts.
Talið berst að kjaftasögum. Hver er algengasta ranghugmyndin sem fólk hefur um ykkur?
„Kókaínfíkill,“ svarar Hafdís strax og hlær. „Við fáum að heyra allt.“
„Já, það hefur verið sagt að þú sért djúpt sokkin í undirheima kókaínsins,“ segir Kleini við Hafdísi og hún hlær.
„Það er eiginlega ekki hægt að segja eitthvað eitt en það hafa allir eitthvað að segja og það er alveg sama hvað maður reynir að leiðrétta eða sanna eða eitthvað. Fólk hefur alltaf ákveðna hugmynd um þig,“ segir Hafdís.
„Ég var svo ógeðslega reið því þetta var komið í strákana mína. Þegar þetta kemur í börnin mín þá er eitthvað sem gerist inni í mér. Ég tók U-beygju með strákinn minn í bílnum í apótekið, náði í pissutest, brunaði heim, pissaði í bolla og dýfði ofan í og bara: Gjörðu svo vel!
Hann sagði: „Mamma, ég veit alveg að þú ert ekki í neyslu…““
Hafdís segist meðvituð um að hún geti ekki stjórnað hvað aðrir hugsa en hún dregur línuna við börnin sín.
„Þetta gerir mig svo ótrúlega reiða og sára þegar það er verið að fara í börnin mín. Þetta er örugglega það eina sem hefur stungið mig en það allt sagt um okkur. Guð minn almáttugur, og ef við erum að reyna að leiðrétta það eða taka það inn á okkur þá færum við ekki út úr húsi.“
Þau ræða þetta nánar í spilaranum hér að ofan. Brotið er hluti af nýjasta þætti af Fókus sem má horfa á hér eða hlusta á Spotify.
Fylgstu með Kleina hér og Hafdísi hér á Instagram. Þau eru einnig á TikTok.