Hin bandaríska Lauren Canaday, 39 ára, lýsir öllu því sem hún upplifði þegar hún dó í 24 mínútur. Það var snöggum viðbrögðum eiginmanns hennar að þakka að hún hafi lifað af.

Lauren fékk hjartaáfall á heimili sínu og hætti að anda, eiginmaðurinn hljóp til hennar og blés í hana lofti þar til sjúkraflutningamenn mættu á svæðið og tóku við. Það liðu heilar 24 mínútur þar til hjarta hennar hóf að slá á ný.

Lauren segir að hún man ekki mikið þegar hjarta hennar stöðvaðist og hún talin látin, en hún segir að tilfinningin hafi verið jákvæð.

„Ég er með þessa tilfinningu að þetta hafi verið vingjarnlegt og friðsamlegt. Ég sá engin form eða persónur eða eitthvað, mér fannst eins og það væri búið að leysa mig upp og það var bara mjög notalegt,“ segir hún.

Bataferlið gekk ágætlega en Lauren átti erfitt með skammtímaminnið til að byrja með og skildi ekki alveg það sem var í gangi í kringum hana.

Átta mánuðir eru liðnir og líður Lauren vel. Hún hugsar vel um heilsuna. Hún segir að sér líði eins og hún hafi fengið annað tækifæri í lífinu.