Bandarísku leikarahjónin Sarah Jessica Parker og Matthew Broderick deildu í vikunni myndum af þremur börnum sínum við útskrift þess elsta.

Hjónin hafa verið gift síðan árið 1997 og eiga saman soninn James, sem er 22 ára, og tvíburadæturnar, Tabitha og Marion, sem eru 15 ára.

James fagnaði útskrift sinni frá Brown háskólanum með því að deila mörgum myndum til að fagna áfanganum, þar á meðal einni með systrum sínum. James hefur fetað í fótspor foreldra sinna í leiklistinni og lék meðal annars gestahlutverk í þáttaröðinni Elsbeth fyrr á þessu ári, sem faðir hans leikur í.

Hjónin sáust ekki á neinni af myndunum frá útskriftinni. Hjónin hafa að mestu haldið börnum sínum frá sviðsljósinu og frá samfélagsmiðlum, þó börnin hafi í gegnum tíðina fylgt foreldrunum sínum á rauða dreglinum á ýmsum viðburðum í Hollywood og víðar.