Leikarinn Tom Hanks er þekktur fyrir að vera einn af yndislegustu mönnunum í Hollywood og kom það því aðdáendum hans verulega á óvart þegar myndir af honum og eiginkonu hans, leikkonunni Ritu Wilson, fóru í dreifingu þar sem þau virtust húðskamma mann á rauða dreglinum fyrir frumsýningu á Cannes kvikmyndahátíðinni.
Sjá einnig: Tom Hanks og Rita Wilson virtust húðskamma mann á rauða dreglinum í gær
Fjölmiðlar vestanhafs greindu frá atvikinu og brann sama spurningin á vörum allra: Hvað gerðist eiginlega?
Rita Wilson hefur nú rofið þögnina og útskýrir hvað hafi gerst. Til að byrja með voru þau alls ekki að skamma manninn.
„Þetta kallast: „Ég heyri ekki í þér. Hvað sagðirðu? Hvert eigum við að fara?“ skrifaði Wilson í færslu á Instagram Story fyrir stuttu og birti skjáskot af frétt um meinta rifrildið.
„En það selur ekki fréttir! Reynið betur næst,“ sagði hún.