Leikararnir og stjörnuhjónin Tom Hanks og Rita Wilson virtust eiga í einhvers konar útistöðum við starfsmann á rauða dreglinum í gær á Cannes kvikmyndahátíðinni. Þetta var fyrir frumsýningu Asteroid City, þar sem Hanks fer með aðalhlutverk.

Myndir af atvikinu hafa vakið mikla athygli og fjalla fjölmiðlar vestanhafs um málið.

Þetta byrjaði allt á því að starfsmaðurinn virtist vera að gefa Hanks einhver handamerki og benda þegar hann var að stilla sér upp með meðleikurum sínum úr myndinni.

Síðan kom Wilson til eiginmanns síns og þau ræddu við starfsmanninn og virtust skamma hann eins og sést á myndunum.

Eftir atvikið héldu þau áfram að ganga rauða dregilinn og allt virtist leika í lyndi.

Hvorki Hank né talsmaður hans hafa tjáð sig um málið.