Ísland hefur fallið niður um fjögur sæti í veðbönkum og er nú spáð 25. sæti í Eurovision í maí.
Áður en Diljá Pétursdóttir var valin fulltrúi Íslands vorum við í 28. sæti en eftir úrslit Söngvakeppnarinnar klifruðum við hægt og rólega upp veðbankana. Við komumst hæst upp í 21. sæti um miðjan mars en síðan þá höfum við hægt og rólega farið niður.
Venjulega breytist listi veðbankanna eftir að keppendur byrja að æfa á stóra sviðinu í Liverpool.
Diljá keppir fyrir hönd Íslands í seinni undankeppninni, þann 11. maí næstkomandi í Liverpool í Bretlandi. Alls taka sextán þjóðir þátt og komast tíu áfram og keppa á úrslitakvöldinu, þann 13. maí næstkomandi.
Lag Diljár, Power, hefur hlotið mikið lof erlendra Eurovision-sérfræðinga og spekúlanta.
Sjá einnig: Diljá slær í gegn hjá Eurovision-spekúlöntum