Erlendir Eurovision-spekúlantar og aðdáendur eru yfir sig hrifnir af framlagi Íslands í ár. Diljá Pétursdóttir mun flytja lagið Power í Liverpool í seinni undankeppninni þann 11. maí og samkvæmt veðbönkum eru miklar líkur á að hún komist áfram í úrslit, en aðeins fjögur lönd af þeim fimmtán sem við keppum við það kvöld er spáð betra gengi. Íslandi er nú spáð 21. sæti.

Sjá einnig: Diljá kemur Íslandi enn hærra upp í veðbönkum og tekur fram úr Eistlandi

Fjölmargar YouTube-stjörnur og Eurovision-spekúlantar hafa birt myndband á miðlinum þar sem þau bregðast við lagi Diljár og hefur okkar kona slegið í gegn fyrir sviðsframkomu og einstaka rödd.

Áhrifavaldurinn og tónlistarmaðurinn Dan Alexandrov, sem er með yfir 220 þúsund áskrifendur á YouTube, var mjög hrifinn af framlagi Íslands og heillaði rödd Diljá hann upp úr skónum. Hann líkti Diljá við Billie Eilish en sagði hana hafa kraftmeiri rödd en bandarísku stórstjörnuna, sem er ekki leiðinlegt hrós að fá.

Hann sagði að Power væri eitt af uppáhalds lögunum hans í ár og spáir því í topp tíu.

Hér að neðan má sjá fleiri bregðast við lagi Diljár.