Bókakonfekt Forlagsins hefst í kvöld kl. 20 í Hannesarholti Grundarstíg 10. Kvöldið er það síðasta af fjórum en á þeim koma höfundar höfundar Forlagsins og kynna bækur sínar fyrir gestum, spjalla um þær og lesa upp úr þeim.
Upplestrarkvöldin eru fyrir löngu orðin fastur liður í vetrardagskrá bókaáhugafólks og þar myndast notalegt og hátíðlegt andrúmsloft.
Bryddað verður upp á þeirri nýjung í ár að streyma beint frá Bókakonfektinu.
Lesið verður upp úr eftirfarandi bókum:
Sævar Helgi Bragason – Hamfarir
Ólafur Gunnar Guðlaugsson – Návaldið
Jónína Leósdóttir – Þvingun
Valdimar Tr. Hafstein og Katrín Snorradóttir – Sund
Guðbergur Bergsson – Dauði Francos
Tómas R. Einarsson – Gangandi bassi
Einar Már Guðmundsson – Því dæmist rétt vera
Ingibjörg Dögg Kjartansdóttir – Ég verð aldrei ungfrú meðfærileg
Léttar veitingar verða í boði fyrir þá sem mæta á staðinn og bækur ofangreindra höfunda verða seldar á staðnum.
