fbpx
Laugardagur 25.mars 2023
Fókus

Marie Kondo hefur gefist upp á að halda hreinu heimili

Guðrún Ósk Guðjónsdóttir
Mánudaginn 30. janúar 2023 13:30

Ekki missa af Helstu tíðindum dagsins í pósthólfið þitt

Lesa nánar

Hin japanska Marie Kondo hefur um árabil kennt fólki að halda hreinu heimili. En nú hefur hún gefist upp og er ástæðan frekar krúttleg.

Marie Kondo hefur gefið út fjórar bækur sem hafa selst í milljónum eintaka um heim allan og hún var með vinsæla þætti á Netflix, Tidying Up With Marie Kondo, þar sem hún kenndi fólki að grisja líf sitt, heimili og vinnustaði af hlutum sem færðu þeim enga hamingju og skipuleggja sig.

Samkvæmt Washington Post hefur þrifglaða skipulagsséníið lært að taka drasli fagnandi. Hún er núna þriggja barna móðir og það yngsta er tæplega tveggja ára.

„Það er drasl heima hjá mér, en hvernig ég eyði tíma mínum núna er það rétta fyrir mig þessa stundina,“ segir hún.

„Ég var atvinnumanneskja í tiltekt, þar til nú. Ég reyndi að halda heimilinu mínu alltaf hreinu en ég hef eiginlega gefist upp á því, sem er jákvætt. Ég áttaði mig á að það er mikilvægara að eyða tíma með börnunum mínum.“

 

View this post on Instagram

 

A post shared by Marie Kondo (@mariekondo)

Marie Kondo hefur áður opnað sig um erfiðleikana við að halda hreinu heimili með börn. „Þegar ég varð fyrst móðir þá varð ég pirruð að ég gat ekki tekið til heima hjá mér alveg eins og ég vildi. Síðan eignaðist ég annað barn og þá hafði ég ekki einu sinni orkuna til að sinna þeim heimilisverkefnum sem ég var vön að gera. Mæðrahlutverkið hefur kennt mér að vera þolinmóðari við mig sjálfa. Gleðin við að vera foreldri er miklu betri en hreint heimili,“ sagði hún í bloggfærslu árið 2019.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Þakti heimili sitt með eigin kroti

Þakti heimili sitt með eigin kroti
Fókus
Í gær

Gisele Bündchen opnaði sig um skilnaðinn – Tom Brady birti í kjölfarið óræð skilaboð

Gisele Bündchen opnaði sig um skilnaðinn – Tom Brady birti í kjölfarið óræð skilaboð
Fókus
Fyrir 2 dögum

Mugison í frasaleit – Fjölmargir komu til bjargar

Mugison í frasaleit – Fjölmargir komu til bjargar
Fókus
Fyrir 2 dögum

Ingvar færði Píeta gjöf við opnun einkasýningar sinnar

Ingvar færði Píeta gjöf við opnun einkasýningar sinnar
FókusMatur
Fyrir 3 dögum

Harissa chilli-maukið kynnt til leiks í eins árs afmæli Mabrúka

Harissa chilli-maukið kynnt til leiks í eins árs afmæli Mabrúka
Fókus
Fyrir 3 dögum

„Kolféllum fyrir útsýninu hér“

„Kolféllum fyrir útsýninu hér“