Þórunn Antonía Magnúsdóttir tónlistarkona er loksins komin með íbúð til leigu fyrir sig og börn sín tvö.
„Jæja níu áfangastöðum seinna erum við komin með fastan samastað í þrjá og hálfan mánuð,“ skrifar Þórunn Antonía í story á Instagram. Fjölskyldan hefur verið húsnæðislaus frá því í lok október eftir að mygla fannst í leiguhúsnæði þeirra. Síðan þá hefur fjölskyldan verið á vergangi og Þórunn Antonía auglýst eftir nýju húsnæði til leigu.
Nú er nýtt heimili komið í bili en Þórunn Antonía leigir íbúð listakonunnar Lindu Jóhannsdóttur. Segist Þórunn Antonía ætla að vera dugleg að sýna listaverk Lindu næstu vikur.
