Prinsinn Harry og eiginkona hans, hertogaynjan Meghan, hafa valdið miklu fjaðrafoki í bresku samfélagi eftir að þau ákváðu að gefa skít í allar hefðir og reglur og segja skilið við konunglega lífið í Bretlandi og halda frekar til Bandaríkjanna að eltast við ameríska drauminn, líkt og svo margir.
Þau hafa þó fengið að súpa seyðið af þeirri ákvörðun. Svo sem þurfa þau að borga gífurlegar fjárhæðir fyrir öryggisgæslu þar sem þeim er ekki tryggð slík í gegnum konungsfjölskylduna og hafa bæði afsalað sér titlinum „hin konunglega hátign“.
Töldu þau að börn þeirra myndi fá titilinn samhliða nafnbótunum prins og prinsessa sem börnin, Archie og Lilibet fengu við frá fall langömmu þeirra, Elísabetar Englandsdrottningar. En sú var ekki raunin og eru Meghan og Harry sögð brjáluð yfir því.
Sjá einnig: Nýjasta dramað í konungshöllinni sem Meghan og Harry eru sögð brjáluð yfir
Nú hefur aftur dregið til tíðinda en heimildir innan úr konungsfjölskyldunni segja að Harry og Meghan hafi fengið boð til opinberrar samkomu sem haldin verður á sunnudag með Karli Bretlandskonungi í Buckingham höll.
Þangað koma þjóðhöfðingjar erlendra ríkja, kvöldið fyrir jarðarförina sem er sögð eiga að vera íburðarmesta útför þjóðarhöfðingja í langan tíma. Rúmlega 500 þjóðarhöfðingjar, forsætisráðherrar og fulltrúar erlendra ríkja hafa hlotið boð í þessa samkomu.
Nú hafi þó boðið til Meghan og Harry verið afturkallað þar sem þau eru ekki starfandi konungsfólk. Starfsmenn konungsfjölskyldunnar hafi bent á að Harry og Meghan gegni engum konunglegum skyldum og eigi því í raun ekkert erindi á þennan formlega opinbera viðburð og krafist þess að boð þeirra yrði afturkallað.