Það virðist vera orðið sérstakt áhugamál hjá poppstjörnunni Britney Spears að gera allt vitlaust á samfélagsmiðlinum Instagram með því að birta myndir sem skilja lítið eftir fyrir ímyndunaraflið.
Slíka mynd birti Britney fyrir rúmum 14 klukkustundum og hafa rúm 1 milljón fylgjenda hennar líkað við myndina. Þar má sjá poppstjörnuna snúa baki í myndavél íklædd rauðum þveng einum fata. Með myndinni sendi hún svo einföld skilaboð – „Booty time“
Sjá einnig: Britney slaufar nærbuxunum og fagnar frelsinu
Aðeins eru um tveir mánuðir síðan að Britney hlaut fullt sjálfræði að nýju eftir að hafa verið undir stjórn föður síns í um þrettán ár. Greinilegt er að henni leiðist ekki frelsið og nýtur lífs í botn ásamt unnusta sínum Sam Asghari sem hún kynntist við tökur á myndbandi við lagið Slumber Party árið 2016. Sam hefur stutt rækilega við bakið á Britney og er tíður gestur á Instagram-reikningi hennar.
View this post on Instagram